استقبل آخر الأخبار دقيقيه بدقيقة عن أهم القضايا الساخنة مع NewsHub. حمّل الآن.

شريف منير يوجه رسالة لإعلامي بالخارج: «لو شجاع تعالي اتناقش على أرض مصر»

13 فبراير, 2018 04:01 ص
87 0
شريف منير يوجه رسالة لإعلامي بالخارج: «لو شجاع تعالي اتناقش على أرض مصر»

هاجم الممثل شريف منير الإعلامي معتز مطر، وقال إنه «مش عاجبه إني فرحان بالعمليات العسكرية اللي بيقوم بيها أولادنا وأخواتنا في سينا».

وأضاف «منير»، عبر حسابه الرسمي على «فيس بوك»، الاثنين: «طب بالذمة اللى انتوا بتشوفوه وبتسمعوه في البيان ده يفرح ولا لأ؟؟».

وتابع: «الحاجة التانية، طبعا كلنا عارفين إن معتز مطر بيشتغل عند قناة الشرق، بيوجه لي رسالة إني لو شجاع وأملك الجرأة أتناقش معاه فيما يحدث من الجيش المصري على أرض سينا».

وأكمل: «طب ما تورينا الشجاعة أنت وحبايبك وتيجوا تتناقشوا هنا على أرض مصر، مش في التليفونات وعلى الشاشات التركية، للأسف انتوا محرومين من إحساس السعادة بانتصار جيشنا اللي حيتحقق كاملا عن قريب بإذن الله، على أعداء الوطن وأعداء الدين، لإن ما فيش دين يرضى باللي بيعملوه الدواعش ومن هم على شاكلتهم، من دبح وحرق وتعذيب وتدمير».

واختتم: «لما تعرض مكالمة تليفونية، ابقى اعرضها عَلى بعضها، مش ولا تقربوا الصلاة، ونسكت، خليك أمين وأنت بتعرض شغلك، يا معتز».

مصدر: almasryalyoum.com

حصة في الشبكات الاجتماعية:

تعليقات - 0