استقبل آخر الأخبار دقيقيه بدقيقة عن أهم القضايا الساخنة مع NewsHub. حمّل الآن.

عمال محال «26 يوليو».. ضحايا آخرون لتطوير «المثلث»

13 يوليو, 2018 02:45 ص
7 0
عمال محال «26 يوليو».. ضحايا آخرون لتطوير «المثلث»

أصدرت محافظة القاهرة وحى بولاق أبوالعلا، فى وقت سابق قرارا بإزالة بعض المبانى والعقارات الواقعة بشارع 26 يوليو، وذلك ضمن خطة تطوير منطقة مثلث ماسبيرو، ويتضمن القرار صرف تعويضات للملاك والمستأجرين، دون الإشارة لتعويض العاملين بالمحال التجارية الذين سيتم تسريحهم ما يجعلهم ضحايا لعملية التطوير.

يقول ماجد حمدى، 54 عاماً، يعمل فى إحدى المحال بالعقار رقم 68 بشارع 26 يوليو، «بشتغل هنا من سنة 1991، وتركت محافظة الشرقية وقعدت هنا واتجوزت وعندى 4 أولاد، والمحل اللى شغال فيه متأمن عليا من خلاله وبعد هدمه مش عارف هشتغل إيه وهيئة التأمينات هترفض تطلعنى معاش مبكر».

يضيف: «الحكومة هتعوض المالك والمستأجر، وأنا واللى زى لأ، رغم إننا ضحايا أكتر من السكان، أو على الأقل زيهم.. أروح لمين وأنا بقالى 14 سنة متأمن عليا، رغم أنى اشتغلت فى المحل من 28 سنة، والدولة كمان هتضيع عليا الـ14 التانيين لأن التأمين بيتم من خلال رقم المنشأة يعنى لو أنا عايز أدفع تأميناتى مش هينفع وصاحب المكان مأخدش التعويض يعنى مش هيبقى محتاج يفتح محل تانى وأنا كبير فى السن ومحدش هيشغلنى.. وبقى مصيرى ومصير أولادى الـ4 غامض. أما إبراهيم رجب، 55 عاماً، فيعمل فى إدارة محل ألبان منذ 28 عاماً ويتقاضى 80 جنيها يومياً، ويعتبر المبلغ غير كاف «كل يوم فيه خناقة مع مراتى بسبب المصاريف، دلوقتى شغلى هينتهى وتأمينى كمان وهبقى فى الشارع».

يشير إبراهيم إلى وجود عدد كبير من العاملين فى نفس ظروفه فى شارع 26 يوليو «إحنا مش عارفين نرفع دعوى ضد الحكومة ولا نروح التأمينات ولا نعمل إيه، فى أى وقت ممكن قرار الإزالة يتنفذ وساعتها إحنا وعيالنا هنتشرد.. وهنترمى زى الكلاب». «أنا بأكلم نفسى بسبب مستقبلى اللى مش واضح» بتلك الجملة وصف طارق، 45 عاماً، حالته حيث يعمل فى محل لبيع النظارات منذ عام 1992، «أول ماعرفت قرار إزالة المحل، فكرت فى عيالى الخمسة هياكلوا منين وهعلمهم إزاى، وللأسف معنديش غير المهنة دى ومقدرش أعمل أى حاجة غيرها».

مصدر: almasryalyoum.com

حصة في الشبكات الاجتماعية:

تعليقات - 0